समाचार
बेलका नगरपालिकाको परिचय:
- ऐतिहासिक पृष्ठभूमि र नामाकरण
बेलका नगरपालिका उदयपुर जिल्लाको पुर्वी भागमा अवस्थित नगरपालिका हो । यस नगरपालिकाको उत्तर तिर सुनकोशी पुर्व तिर सप्तकोशी, दक्षिण तिर त्रियुगा नदिले बेष्ठित रहेको छ । महाभारतको काँखमा अवस्थित यो नगरपालिकाको पश्चिम तिर देउराली डाडाँले घेरेको छ । प्रचुर मात्रामा प्राकृतिक श्रोत साधनबाट सम्पन्न तराई, पहाड, हिमालको स्वरुपमा रहेको बेलका नगरपालिका जैविक विविधताको धनी रहेको छ । विविध जाती, जनजातीका भाषा, कला, संस्कृतिबाट शुसोभित बेलका नगरपालिका उत्तरको हिमाली श्रृङ्खलाको दृश्याबलोकन देखि लिएर समथर मैदानको हरियाली दृश्यपान गर्दै रमाईरहेको छ ।नेपालको संघीय शासन प्रणाली अर्न्तगत राज्य पुनर संरचनामा स्थानीय तहको नयाँ सिमांकन गर्दा यो गाउँपालिका साविकका ४ वटा गाउँ विकास समितिहरु –रामपुर, ठोक्सिला, तपेश्वरी, मैनामैनी र कटुञ्जेववला ) रुपान्तरण भई २०७३ सालमा बनेको हो । बेलका भनेको यस नगर क्षेत्रको दक्षिणी भागमा फैलिएको जंगल हो । प्राचिन कालमा यस ठाउँमा बेलका राजा बेलका रानीले राज्य गर्दथे । यहाँ नागाहरुको प्राचिन सभ्यता स्थापित भएको थियो । बेलका जंगलमा हाल सम्म पनि पानी परेको बेला बाहिरी माटोहरु बगरे घाममा टल्किएको अवस्थामा सुन भेटिने गरेको छ र धेरै मानिसहरुले भेटेका पनि छन । यो सून पाइने ठाउँलाई सुनखानी भनिन्छ । प्राचिन कालमा पतन भएको नागाहरुको सभ्यताका परिचयहरु दिने जंगलमा पोखरी, बगैंचाहरु र दरबारका भग्नावेश र र्इंटाका टुक्रा, माटोका भाडाहरुको अवशेषहरु प्रशस्तै पाईन्छ । यस क्षेत्रमा प्राचिन सिसाका टल्कने बस्तुहरु मोतिमालाहरु, सि.माला, जि.मालाहरु, फूटवल आकारका बस्तुहरु अझै पनि पाईन्छ । प्राचिन कालमा बेलका राजा बेलका रानीको अनुग्रहमा यस क्षेत्रका मानिसहरु रक्षित भएको कुरा किंबदन्तीको रुपमा सुनिन्छ । कुनै मा निसहरु जंगलमा हराएमा राती ठूलो चम्किलो शहर उत्पन्न हुने, त्यहि खाना बासको ब्यवस्था हुने र विहान उठ्दा खेरी प त्करमा सुतिरहेको हुने अचम्म हुन्थ्यो भनिन्छ । यस जंगलमा लोप भएको निलगाई समेत पाईन्थ्यो । मानिसहरुले आफूलाई ऋण चाहिएमा, भाकल गरेर ऋण समेत प्राप्त हुने भन्ने कुरा किंबदन्तीमा सुनिन्छ । हाल सम्म पनि मानिसहरु बेलका राजारानीको पुजा आजा गर्ने गर्दछन् । त्यसैले नै यहि बेलका राजा बेलका रानीको किम्बदन्तीबाट यस नगरपालिकाको नाम बेलका नगरपालिका नामाकरण गरिएको हो ।
- भौगोलिक स्वरुप तथा सिमाना
नेपालको सातवटा प्रदेश मध्ये सबैभन्दा पूर्वमा रहेको १ नं प्रदेशको १४ जिल्लाहरु मध्ये उदयपुर जिल्ला भौगोलिक बिबिधता भएको साथै विकासको गतिमा अघि बढ्न थालेको र प्रशस्त सम्भावना बोकेको जिल्ला हो । राजनैतिक रुपले ४ वटा गाउँपालिका र ४ वटा नगरपालिका सहित जम्मा ८ वटा स्थानीय तहमा विभाजित उदयपुर जिल्ला पहाडको फेदबाट महाभारत पर्वत शृंखला सम्म फैलिएको पुर्वमा सुनसरी जिल्लाको बराहक्षेत्र नगरपालिका र धनकुटा जिल्लाको साँगुरीगढी गाउँपालिका, उत्तरमा भोजपुर जिल्लाको हतुवागढी र आम्चोक गाउँपालिका, पश्चिममा उदयपुरकै चौदण्डीगढी नगरपालिका र सप्तरी जिल्लाको सप्तकोसी नगरपालिका त्यसैगरी दक्षिणमा सप्तरी जिल्लाको कञ्चनरुप यस नगरपालिकाको सिमाना निर्धारण गरेको छ । समुन्द्र सतहदेखि १३६.२ मिटर सम्मको उचाइमा रहेको यो नगरपालिकाको क्षेत्रफल ३४४ वर्ग किलो मिटर रहेको छ । यसको उत्तरी अक्षाशं २६०४२'०९" देखि ८६०५५'२९" सम्म र पर्वी देशान्तर ८७०१०'०६" सम्म फैलिएको छ ।
- राजनैतिक तथा प्रशासनिक अवस्थिति
यस नगरपालिकाको केन्द्र रामपुर बजारमा रहेको छ । साविकको तपेश्वरी गाविसको वडा नं. ४, ५, ६, ७, ८ र ९ मिलाएर वडा नं. १, तपेश्वरी गाविसकै वडा नं. १, २ र ३ मिलाएर वडा नं. २, ठोक्सिला गाविसको वडा नं. ३, ४, ५ र ६ मिलाएर वडा नं. ३, ठोक्सिला गाविसकै ७ नम्मरबाट वडा नं. ४, ठोक्सिला गाविसको वडा नं. ८ र ९, बबला गाविसको वडा नं. १ र २ मिलाएर वडा नं. ५, कटुञ्जेववला गाविसको वडा नं. ३, ४, ५, ६, ७, ८ र ९ मिलाएर वडा नं. ६, मैनामैनी गाविसको वडा नं. १, २, ३, ४, ५, ६, ७ र ८ मिलाएर वडा नं. ७, मैनामैनी गा.वि.स.को वडा नं. ९ र ठोक्सिला गा.वि.स.को वडा नं. १ मिलाएर वडा नं. ८ र ठोक्सिला गा.वि.स.को वडा नं. २ लाई वडा नं. ९ कायम भई यस नगरपालिकाको जम्मा वडा संख्या ९ वटा रहेको छ । हाल यस नगरपालिकाको उत्तरी क्षेत्रमा ४ वटा वडाहरु ५,६,७ र ८ पहाडी भिरालो क्षेत्रहरु रहेका छन । यी वडाहरुमा चुरे क्षेत्र देखि महाभारतको पर्वतमाला सम्म फैलिएर रहेका छन भने दक्षिणी क्षेत्रमा वडा नं १,२,३,४ र ९ समथर मैदानी भू-भागमा अवस्थित रहेको छ ।